హంస

హంసలు వరుసగ ఈదుతు ఉంటే

  ఆహ ఆహ మాకిష్టం

హరిణం గెంతుతు పరిగెడుతుంటే

 ఆహ ఆహ మాకిష్టం

హరిచందనము వాసన అంటే

 ఆహ ఆహ మాకిష్టం

హలముతో పొలమును దున్నటం అంటే

 ఆహ ఆహ మాకిష్టం

 సింహం దూకుతు వస్తూ ఉంటే

అమ్మో! అంటూ పరుగెడతాం

రంగులు వేయండి :

" హ " అక్షరాన్ని గుర్తించి సున్నా చుట్టండి :

ఊహ     హంపి     దాహం

అహం    హరిదాసు      సహనం

 
" హ " అక్షరాన్ని రాయండి :

_______________________________________

_______________________________________

********

అక్షరము

  అక్షరములను దిద్దుకో
లక్షణముగా చదువుకో
విచక్షణను తెలుసుకో
క్షమాగుణం పెంచుకో

రంగులు వేయండి :

మీ ఇష్టమైన అక్షరాలను క్రేయాన్స్ తో  రాయండి 

_______________________________________

_______________________________________

 
" క్ష " అక్షరాన్ని గుర్తించి సున్నా చుట్టండి :

కక్ష      భిక్ష      శిక్ష     లక్ష
క్షణం     పక్షం    క్షవరం  

 
" క్ష " అక్షరాన్ని రాయండి :

_________________________________________

_________________________________________

******

కోవళం

  కళ నేను కేరళ వెళతాం
మళయాళమును నేర్చుకుంటాం
నారికేళం నీరు తాగి
కోవళం బీచ్ చూసి వస్తాం

రంగులు వేయండి :

" ళ " అక్షరాన్ని గుర్తించి సున్నా చుట్టండి :

తాళం       మేళం      గోళం
సరళం     విరాళం     శ్రీకాకుళం

" ళ " అక్షరాన్ని రాయండి :

________________________________________

________________________________________

*******

సంతోషం

 సరిత ,సమత సంత కెళ్ళారు
సన్నబియ్యం,సగ్గుబియ్యం తీసుకొచ్చారు
 

పాయసం ,పులిహోర చేసుకున్నారు
సరస్సు వద్ద గుడికి పరుగు తీసారు

సహపంక్తి భోజనంలో వడ్డించారు
సంతోషంగా తిరిగి వచ్చారు
 

రంగులు వేయండి :

" స " అక్షరాన్ని గుర్తించి సున్నా చుట్టండి :

సగం       సరదా       దసరా
మసక     సంచి         సలసల

 

" స " అక్షరాన్ని రాయండి :

________________________________________

________________________________________

**********

తెలుగుభాష

 తెలుగు వేషధారణ 

ఎంతో అందమైనది 

తెలుగుభాష పలుకు 

ఎంతో మధురమైనది 

తెలుగు వారి పౌరుషం 

ఎంతో ఘనమైనది 

రంగులు వేయండి :

" ష " అక్షరాన్ని గుర్తించి సున్నా చుట్టండి :

మేషం                రోషం           దోషం 

విషం               శేషం               షరతు 

" ష " అక్షరాన్నిరాయండి :

 

______________________________________

______________________________________

 

**********

శంఖం

 శనివారం నాడు శలవు వచ్చింది 

శంకరుని గుడికి పోయివద్దామా 

శంఖం భంభం ఊదుకుందామా 

శనగలు బెల్లం కలిపి తిందామా 

రంగులు వేయండి :

" శ " అక్షరాన్ని గుర్తించి సున్నా చుట్టండి :

 దశ             ఆశ            శపధం 

దిశ              శశి          ఆకాశం

" శ " అక్షరాన్నిరాయండి :

 ______________________________________

______________________________________

************

వదినమ్మ

వదినమ్మ వచ్చింది 

వడియాలు తెచ్చింది 

 

వడలు వేసి పెట్టింది 

వంకాయ వండింది 

 

వడివడిగా నడచింది 

వరిచేనుకు వెళ్ళింది 

రంగులు వేయండి : 

" వ  "అక్షరాన్ని గుర్తించి సున్నా చుట్టండి :

 

వల               వనం             వరం 

వర             వరుస          కలువ

" వ  " అక్షరాన్ని రాయండి :

________________________________________

________________________________________

*********

కొలను

 

కొలను గట్టున కూర్చున్నాం 

మిలమిల మెరిసే చేపలను చూసి 

చేతిలో గాలం విసిరాము 

చేపలనెన్నో పట్టేస్తాం 

రంగులు వేయండి :

 

" ల " అక్షరాన్ని గుర్తించి సున్నా చుట్టండి :

 

లత             తల            వల                కల 

జలజల        విలవిల       కిలకిల          గిలగిల  

" ల " అక్షరాన్నిరాయండి :

 

________________________________________

________________________________________

 

*************

అందమైన బూరలు

 

అవిగో అవిగో బూరలు
అందమైన బూరలు
 

రంగురంగుల బూరలు
రకరకాల బూరలు
 

ఆదివారం మేము 

ఆడుకునే బూరలు 

 

రంగులు వేయండి  :

 

 

 

 "ర " అక్షరాన్ని గుర్తించి సున్నా చుట్టండి :

 

రసం          రథం         రంపం 

కారం        వారం          దారం

 

 "ర " అక్షరాన్ని  రాయండి  :

 

_____________________________________

_____________________________________

 

 

**********

యమున

గలగల యమున రావమ్మా
దయతో మమ్ము చూడమ్మా
 
కాయకష్టం చేసాము
నీటిపాయలు ఇవ్వమ్మా
 
కాయలు , ధాన్యం పండిస్తాం
జయముతో నీకు జేకొడతాం
 
రంగులు వేయండి :

" య " అక్షరాన్ని గుర్తించి సున్నా చుట్టండి :

 యతి        యముడు       గాయం
మాయం          వంకాయ           యజమాని
 " య " అక్షరాన్ని రాయండి :

____________________________________
____________________________________
 
*********

మంచి పనులు

మసకవేళలో చదవకూడదు
మంచువేళలో తిరగకూడదు 
మంటతో ఆడకూడదు
 
మంచి పనులనెప్పుడు ఆపకూడదు
మంచి మాటలెపుడు మరువకూడదు

రంగులు వేయండి :

" మ " అక్షరాన్ని గుర్తించి సున్నా చుట్టండి : 

మనం    మర         మంచం

మతం           మకరం         మందారం

" మ " అక్షరాన్ని రాయండి :

_____________________________________

_____________________________________

*************

భగత్ సింగ్

భలే భలే బొమ్మ ఇది
భగత్ సింగ్ బొమ్మ ఇది
భయం లేని వీరుడు

భరతమాత ముద్దు బిడ్డ
భక్తి తోడ పూజించు
భరతభూమిని ప్రేమించు

 

రంగులు వేయండి :

"భ " అక్షరాన్ని గుర్తించి సున్నా చుట్టండి :

భజన        భయం          భవనం 

భక్తి            భటుడు         భగభగ             

"భ " అక్షరాన్నిరాయండి :

 ____________________________________

_____________________________________

*****

బంతి

బంతంటే మాకిష్టం
బడిలో ఆటలు ఆడేస్తాం
 
బంకమట్టి మాకిష్టం
బండి బొమ్మలు చేసేస్తాం
 
బంతి పూలు మాకిష్టం
గబగబ దండలు కట్టేస్తాం

రంగులు వేయండి :

 

" బ " అక్షరాన్ని గుర్తించి సున్నా చుట్టండి :

 బండ      బజారు      బరువు
బందరు   బంగారం

" బ " అక్షరాన్ని రాయండి :

________________________________

________________________________
 

********

 

ఫలము

ఫలములనిచ్చే మొక్కలు నాటు
ఫలములు పండే వరకు ఆగు
 
సఫలం అయిన పనిని చూడు
ఫలితం దక్కక మానదు ఎప్పుడూ

రంగులు వేయండి :

" ఫ " అక్షరాన్ని గుర్తించి సున్నా చుట్టండి :

ఫని          ఫకీరు        ఫలకం    ఫణి

" ఫ " అక్షరాన్ని రాయండి :

__________________________________

__________________________________
 

**********

 

పలక బలపం

పలక బలపం తీసుకుని

బడికి పరుగున పోదాము
 
పదము పదము చదివి
పలక మీద రాద్దాము
 
పంతులుగారికి చూపి
పదరా ఇంటికి పోదాము

రంగులు వేయండి :

" ప " అక్షరాన్ని గుర్తించి సున్నా చుట్టండి :

పనస          పడవ         పంట
కలప           గడప         పలుకు

" ప " అక్షరాన్ని రాయండి :

________________________________

________________________________
 

**********
 

నల్లని కాకమ్మ

నల్ల నల్లని కాకమ్మ
కొమ్మ పైన కూర్చుంది
 
నల్లని మబ్బును చూసింది
రివ్వున ఎగిరి పోయింది
 
గూటిలోన దూరింది
హాయిగ వానను చూసింది 

రంగులు వేయండి :

 

" న " అక్షరాన్ని గుర్తించి సున్నా చుట్టండి :
 

నగ          నస         కూన
నటన     నలక      నడక 

" న " అక్షరాన్ని రాయండి :

______________________________
______________________________
 
******
 

ధనస్సు

 

గురువు బోధను విన్నాడు
 రాముడు ధనస్సు తీసాడు
ధగధగ మెరిసిపోతోంది
ధనధన విరచి వేసాడు
 

రంగులు వేయండి :

" ధ " అక్షరాన్ని గుర్తించి సున్నా చుట్టండి :

 

ధర         బాధ         వ్యధ
ధరణి     సాధన         ధనం       

 

" ధ " అక్షరాన్ని రాయండి :

_______________________________________

_______________________________________

 

********

 

చందమామ

చందమామ  చందమామ 

చల్లనైన మామ 

అందరికి నీవు అందమైన మామ

అందుకోను చేయి చాస్తే 

అందవే మామ 

అందనంత దూరం 

ఎందుకున్నావు మామ

అందమైన కలలో 

నన్ను ఎత్తుకోవా మామ 

చందమామ  చందమామ 

చల్లనైన మామ

అందరికి నీవు అందమైన మామ  

రంగులు వేయండి :

" ద  " అక్షరాన్ని గుర్తించి సున్నా చుట్టండి :

గద            దయ          దండ 

దసరా        చందనం

 " ద " అక్షరాన్ని రాయండి :

__________________________________

__________________________________

***********

రథం

అదిగో అదిగో రథమదిగో  

కథలో విన్న రథమదిగో 

దేవుడు ఎక్కే రథమదిగో 

అందరు లాగే రథమదిగో 

రంగులు వేయండి :

" థ " అక్షరాన్ని గుర్తించి సున్నా చుట్టండి :

రథం           పథకం         కథనం

" థ " అక్షరాన్ని రాయండి :

__________________________________

__________________________________

***********

ఒకటవ తరగతి

తరగతి  తరగతి
అందమైన  తరగతి
 

ఆటలు ఆడే  తరగతి
పాటలు పాడే  తరగతి
 

కథలు చెప్పే  తరగతి
బొమ్మలు వేసే  తరగతి
  

తరగతి  తరగతి
అందమైన  తరగతి
మా ఒకటవ  తరగతి

 

రంగులు వేయండి :

 

 

 "త  " అక్షరాన్ని గుర్తించి సున్నా చుట్టండి :

తాత             సీత             పీత                  తల            

తడి              కూత           మేత                కోత 

 

"త  " అక్షరాన్ని  రాయండి :

_________________________________

_________________________________

 

***********

బాణం

బాణం తగిలిన పావురము
ప్రాణం విలవిల లాడింది

అరుణ చూచి లేచింది
బాణం మెల్లగ తీసింది

గాయం కడిగి తుడిచింది
భరిణలో మందు పూసింది

రంగులు వేయండి :

" ణ " అక్షరాన్ని గుర్తించి సున్నా చుట్టండి :

వీణ        రణం      గుణం
గణగణ       కణకణ      కంకణం

" ణ " అక్షరాన్ని రాయండి :

____________________________________
____________________________________

************

ఢంకా

గాఢ నిద్దుర పోయావో
ఢంకా తెచ్చి మోగిస్తా

ఢమ ఢమ మోగగనే
టక్కున లేచి చూస్తావు

ఔట్లు ఢమఢమ పేలుస్తా
అమ్మో అంటూ పరుగెడతావ్

రంగులు వేయండి :

"ఢ" అక్షరాన్ని గుర్తించి సున్నా చుట్టండి :

గాఢం         ఢమఢమ         ఢంకా     
 

"ఢ" అక్షరాన్ని రాయండి :

_____________________________________
_____________________________________

********

ఏడవకు ఏడవకు నా చిట్టిచెల్లి

ఏడవకు  ఏడవకు నా చిట్టిచెల్లి 

కడవతో అమ్మ నీళ్ళు తెస్తోంది 

చెట్టు నీడలోన మంచమేసింది 

కాడమల్లెపూలు దండ గుచ్చమంది
 

కొండ మీద దేవునికి ఇచ్చి రమ్మంది
ఏడవకు  ఏడవకు నా చిట్టిచెల్లి
 

రంగులు వేయండి :

"డ" అక్షరాన్ని గుర్తించి సున్నా చుట్టండి :

  పడవ         పడగ       నడక
  కడప         డమరు       డబడబ

"డ" అక్షరాన్ని రాయండి :

_____________________________________
_____________________________________

********